СТОП 193.1!

Гэтая старонка прысьвечаная грамадзкай кампаніі за скасаваньне артыкула 193.1 КК РБ, які супярэчыць Канстытуцыі Рэспублікі Беларусь і міжнародным абавязкам, узятым на сябе нашай краінай. Кампанія ініцыяваная Асамблеяй няўрадавых дэмакратычных арганізацыяў...

 
 

Запрашаем раздрукаваць разьмешчаны ніжэй зварот, падпісаць яго і даслаць на пазначаны адрас.

 


               Палата прадстаўнікоў Нацыянальнага 
               сходу Рэспублікі Беларусь
               220010, г. Мінск, вул. Савецкая, 11, Дом Ураду

ЗВАРОТ

У Беларусі забароненая дзейнасць незарэгістраваных грамадскіх аб’яднанняў. За яе прадугледжаная крымінальная адказнасць паводле артыкула 193-1 Крымінальнага кодэкса.

Наяўнасць гэтага артыкула перашкаджае нармальнаму развіццю грамадзянскай супольнасці ў краіне, асабліва з улікам складанай працэдуры рэгістрацыі грамадскіх аб’яднанняў. Артыкул 193-1 трактуе як злачынства практычна любую самастойную ініцыятыву грамадзянаў.

Артыкул 193.1 парушае права грамадзянаў на аб'яднанне і супярэчыць Усеагульнай Дэкларацыі правоў чалавека, Міжнароднаму пакту аб грамадзянскіх і палітычных правах і іншым міжнародна-прававым абавязацельствам, якія ўзяла на сябе Рэспубліка Беларусь. Акрамя таго, відавочная неадпаведнасць гэтай нормы стандартам прававога рэгулявання няўрадавых арганізацыяў у межах Савета Еўропы, што з'яўляецца адной з перашкодаў для паўнавартаснага далучэння Беларусі да гэтай міжнароднай арганізацыі і вяртання нашай краіны ў агульнаеўрапэйскую прастору.

Заклікаем беларускія ўлады:

  • неадкладна выключыць з Крымінальнага кодэкса артыкул 193.1.

  • скасаваць забарону на дзейнасць незарэгістраваных грамадскіх аб’яднанняў ва ўсіх актах заканадаўства Рэспублікі Беларусь.

                                 Імя, прозьвішча:
                                 Подпіс:
                                 Дата: